只是msn 一下

我知道她今天入迪士尼，於是先sms她，但沒有回應...

夜晚，見她msn online，於是問了兩句，等她offline...

心情又忐忑不安了....

12月23日的一整天是最好的聖誕禮物

一切就由腸粉開始...又是要上班的星期六，今天對我來說是一個很重視的日子，因為今天單對單的食buffet，而且是我第一次成功約她外出！

今天特別早起，因為回到公司之前，先要給她買早餐，不是叫外賣是我自己去買！

她msn 問我何時睇戲，我說是14:10，她說好像好點兒凍，要先回家換衣服，說實話她今天穿得真的很漂亮！

放工，突然公司的noc 有call，要先處理，錯過了與她一同放工的機會，要在處理好之後，狂奔至地鐵站！
幸好追得上，與她一同到太古，我在地鐵站等她...
我明知道一家會遲，但我沒有著急，電影已不是重點，她才是我今天的望角！半小時後，看見她換了外套與一對長boot，我開心極了，她真係很靚！她因為趕著來，覺得很熱，於是我用雙手撥著，希望可以令她涼快一點... 上了地鐵，我知她累，想為她找個位子，可是沒有！過了一回兒，有了，著她快點休息一會！

到達金鐘時已遲了十分鐘，不要緊吧！她先去洗手間，我去買飲品，入場...戲我沒有多留意，我留意的是她！我一次與她單對單看電影....

差不多兩小時，不時見她飲綠茶，戲差不多完的時候，她問我會做多久，弊！好似係140分鐘，唯有照答，點知原來唔係，她已去了洗手間，回來時看不到杰王子自殺的一幕，坐了不夠5分鐘已經完場！失敗，我實在應該留意一下片長多少。

- 行pacific place, 影相
- 出發去tst, 換地鐵飛
- body shop, 朋友 call 她, 8點幾可能約朋友
- 行海港城, 地鐵優惠, 影相
- 出發 buffet, 行得太遠, 腳痛
- buffet 中, 食羊, 看見她很滿意, 我服待周到
- 完, 頸巾, 說會背她..去 uniqlo
- uniqlo 試衫, 幫她拎衫/物品, 詢問, 買了離開
- 把 tiffany 禮物放在uniqlo 袋中
- 送她到地鐵, sms告訴好有禮物
- 回家收到電話, 說褸可以雙面, 並問我回家了沒有, 著好沖涼洗頭

放工的APM 之行

是日冬至，公司提早於下午4:30下班，一早打算下班後歸家打xbox。

突然間，她問我放工到那裡去，我說要等video update要5點多先可以離去，她卻說本來想約我去apm 行一下，現在我有事做，只好她自己去...

聽了之後，心裡很是著急！

4:53分，收到她的call，問我明天是否給她買早餐，我說是，然後對她說我已經可以走，現在過apm 找她...
她說我一定是加快工作，以可以到apm... 我當然答是... 她說見到就見吧...

過了一會，即時一支箭般走人... 極速到 apm，打了電話問她在那裡，給她開了玩笑一輪...找到她了，很高興！

行了電器舖，再到萬寧，講起明天的節目，說不如去看電影傷城，大家都同意了！給了我換票證，準備去換戲票！

我陪她坐地鐵，我去北角轉車到中環，她於魚則魚涌轉車．．．

到了IFC，沒有位，SMS 她.. 放棄睇戲...後來想想，可以到金鐘 AMC 試一試...

傷城一樣沒有位，但黃金甲還有，打給她沒有應電話，SMS 也沒有回應，最後，我自行決定先斬後奏，買了明天14:10 的黃金甲戲票！食過 TRIPLE O，回家去...

回程途中，她致電絡我，說正在吃飯，聽不到電話，並問我有沒有買飛。我說已先買了戲票，不過是黃金甲，說了一回兒...掛了線~ 我可以安心睡一會了...

YO~ 明天整天都可以見她...很美好~

無題 - 2006年12月18日

一年又過去，我在數碼通工作已有三年零兩個月，但經歷比工作時間好像要長...

由跟了一個沒用的老細，到可以有轉工到一份有萬二元的工作，被挽留再升職加薪，沒用的老細被隔扯...
再轉老細，多了一個阿頭，全面投入工作，然後發現自己力有不逮，水平與他人相差甚遠，到慢慢失去了自信心，短短幾句就整年的撮要！

我要面對的比我所寫的要多，我能做到的比我自己想的要少！矛盾吧！人生就是這樣...
每次我走出一個深谷，以為可以看得見光明之時，其實我已走進另一個黑暗，明日復明日。不知何年何月何日，我才可以輕輕鬆鬆面對一切所有的事...

工作上實在抖不過氣來，忙碌已是每天必然發生之事... 有常道，「搵得多做得多」，既然你有這個工資水平，你就要附出相等的努力，但在香港，沒有這回事，你要附出很多很多去討回一個不合理的工資...
幸運地，現在我還未去到這個階段，但確實壓力很大...
為了錢，沒有選擇的餘地
為了錢，沒有理想的餘地
為了錢，沒有自己的餘地

如果你叫我去形容玩在的我... 我只送上歌詞一句

自尊心都可以出賣，忘記你也是無壞！

當中的你，我會用「我」來代替... 工作就是把自己出賣！要忘卻當中的種種，就只有忘記自己，忘記自己的一切！

我愛這一句....

- 就這樣,已足夠了.

來自我的好朋友的一句話
出處來自LOVE ACTUALLY

就這樣,已足夠了，他做出了一樣我仍然未做的事，他得到了解脫，他得到開心。
他把兩年來的夢魘放下，原來他想說的一番話應該兩年前已要交代...
最後，他仍然鼓起勇氣，遲了兩年的時間..
得到的，不是一個女朋友，而是解脫與開心！

我明白他的感受，確實值得為他而高興...

而我，兩年有多...維持現狀是好是壞，我不知道，但

- 就這樣,已足夠了.

又一年的聖誕...

我今年比較積極，十二月頭已經打去各大酒店問價book 位，心中希望就算她拒約，我仍然可以表現出我的誠意！ 又或者，自信心已經在谷底的我，就只淨下這一點點的精神！

對於她像是答應去食自助餐... 我想已經是今年最好的聖誕禮物！

記憶之中，是首次我提出約會而她沒有拒絕的第一次，我會好好珍惜！

還有很多東西要準備，包括她的禮物及當天的行程...禮物，我看了很多，怎也看不上眼，不想是太名貴，又要充滿著心意... 還有數天，我定當要更加努力~

12月23日，希望自己成功~

十一月的總結

多了講電話

多了 SMS

感覺不錯

過程已不想講得太多，留在我自己心中！

2小時35分....

一個傾電話o既時間, 我都好耐未試過傾咁耐, 對上一次都係好似同佢傾, 唔記得了...
不過, 都唔知應該開心定係唔開心呢... 我又會唔會迫得佢太緊, 今晚似乎暗示明示得太多, 其實佢都冇咩反應, 而且仲講過幾次係普通同事同朋友, 我都有反擊過... 唔知, 訓醒呢一刻係唔開心, 就算傾緊同琴晚去緊街都係唔開心... 我甚至講左一句, "不如你直接拒絕我, 我都唔知你想點"... 可能真係我自己死唔灰心, 人地或者真係冇野, 但係我都真係講左句 "我有一棵堅毅的心"...唔知,可能佢真係唔係我能夠得到o既o野!

11月10日星期五

我已經有整整個多月冇update 個 blog,呢排真係好忙, 忙到打少少o既都懶

星期五早上有 msn msg, 想去睇boot, 即刻cancel 晒去做 gym 同d 交收, 改同佢去睇boot, 為左佢, 有野未做完我都照走, 為左佢可能得罪老細...算了！個一刻我只係知道個心得佢...冇野可以阻我

再次係旺角, 先行聯合, 其實都唔係第一次同佢去睇鞋, 不過試鞋印象中有二次, 兩次都係波鞋！今次唔同o既係佢試boot, 真係好襯佢, 我覺得佢好靚架, 佢都有問我意見... 我好少會比意見, 好多時都係 ok 啦, 唔錯, 但係今次唔同, 我真係比左意見佢...同有d分析咁啦 ...

過程中, 有講好多野, 不過有少少難受, 個sales 姐姐以為我係佢男朋友, 當佢一講叫男朋友幫下眼, 佢即時耍手...唉~ sales 姐姐你真係令我難堪... 心個句係, 我都想係佢男朋友呀...

一邊行, 佢一邊問我食咩, 講左幾個地方, 佢都reject... 其實我好怕諗去邊食飯, 因為要就人地鍾意食o既野... 諗得到, 佢未必鍾意, 諗唔到又會話諗唔到...

一直行左好多野, 行到成十點先去 北海道活壽司食野, 食得好開心... 每次同佢一齊o既時間都係好舒服, 食完, 講左d卦野佢知, 再行一陣家樂就送佢去搭車... 行去之時, 我話你都唔比我送你返屋企, 佢話, 送我返去咁遠... 唔好啦... 唔... 我又多心了....

返到屋企, 打左比佢冇人聽, 再留 sms, 差唔多兩點個時, 佢打返比我, 於是傾電話... 佢成日收唔到, 斷斷續續傾到佢電話冇電... 然後我叫佢早d 訓... 同佢講早抖, 再聽佢一聲 bye bye (我lum 晒囉, 因為覺得好甜) 然後收線, 時為 2:30 左右~~~~

十月的唯一

祝自己廿七歲生日快樂！

24日....

22,23,24日都沒有sms 她，唔想成日好煩，話晒人地都係去旅行唔通成日sms 問呢問路咩? 所以我只好等佢返黎....

22日晚...

是日弊公司轉新公司標緻，工作至凌晨時份，仍然很想給她sms，但一直沒有時間，而且我回家之時已是1:25a.m. 縱使我知道泰國較香港慢一小時，但去旅行玩足一天會是一件很累的事...於是放棄了send sms，怕的是阻礙她休息...

坐的士是回家途中，我收到了sms，是她send 來的，問及曼谷的情形...我大為緊張，因為我在回家途中並不知道太多，於是即刻回覆我剛放工，回定看了新聞一定sms 她...

回到家中凌晨二時，第一時間打開電視，再轉台至有線新聞，很累的我留守於電視前，再send sms 問她玩得如何，累不累！再睇足一節新聞報導... 隔了不久，收到 sms 知道了她今天玩得怎樣，她著我一定要告訴她曼谷怎樣...還說roaming很貴要我付款 XD... 收到這sms 的當時，我正在打sms 告訴好曼谷的情況...
send 了這個報導 sms，我再加一個 sms 講佢知見到她的sms 我很高興，不要說roaming 的錢，其他甚麼也可以..... XD

21日晚....

坐在家中，心中忐忑不安，不停想著send sms 給她好嗎?

最後都是send了，只是問候一下，全沒有想過有任何回覆！於是走到按摩椅休息一下！

msn突然閃起來，有種心血來潮的感覺，立即跳下按摩椅，再如箭飛往電腦之前！噢！surprise，竟然是她..
她告訴我收到了 sms，星期四去曼谷and c u later！ 我來不及回覆她就已經offline了！我只好再 sms 好一次，著她要 take care！

遲到遇上大老闆

禍不單行！今天早上遲出門，塞車還在公司lift lobby遇上大老闆，糟透！不過還是算了，怪只好怪自己msn 得太晚！

上班途中總是睡不好，只因我真的擔心，不過我明白到她在機場時應該已經要兼顧很多事情，實在不想打擾她，心想還是回到office再sms 她！怎知，還未坐下已經被玩了，同事問我是否很擔心...即時無言，但唔理三七廿一先 sms 她 (同時丁小姐打電話結她)，之後，她回了sms 說去布吉...

泰國政變

對我來說沒有直接的關係，但今晚看過新聞擔心起來，因為她明天就要去泰國旅行！我倒坐在電腦面前，試著等一下，看看她有否online。最後，都等到了，了解過她已決定取消去泰國，可能轉去上海但未成定局，還要到了機場後再作決定，我知道她覺得好煩，於是我都不消給予太多意見，只懂叫她冷氣及不要太生氣！

這一刻，我確實不知所措，除了擔心、關心就沒有其他了...

Being Relax

近況持續低迷，心情真係好受影響，打波手風好唔順，好耐都未試過入得一球！

其實心情仍然好差，於是的起心肝，走出去行一行，突然好想到山頂走一趟，目的有二，一去食burger king，很愛吃burger的我上次到機場時已經想食，奈何時間太早，只有早餐！今次山頂有burger king，一定要試！ 其二，秋涼的天氣總令人心曠神怡，對心情不佳的我想說，走一走高處，看一看風景，吹一吹涼風，舒緩一下情緒，確實對自己是一件好事...

只是邊行邊看的時候，心裡想的又會是她...

一星期後的今日

琴晚一邊行街, 一邊同佢sms, 都係講下是非, 但係好多野我都仲係唔係好明, 係我心目中, 呢d時間應該係有d 野要避忌下, 不過我完全唔發覺佢有呢d 行動, 所以好多野我都唔明... 總之, 仍然係未擺得低...

在此, 我要多謝a小姐o係msn 聽我發花癲, 亦要多謝m先生當面聽我發花癲, 好感謝你地o既意見or分析！

應該衰左....

我都唔知, 琴晚用 msn 想同佢講, 我諗我未講佢已經截住左我, 話唔想知... 心裡有數了!

最失意的時候

我請左一日假，就只係呢一日去令自己有個機會喘息一下！我今次係決定得好快，因為我真係好難去應付咁多野，我知道公司已經好多野攪緊，再加埋屋企d野，真係心力交瘁！

係最唔開心o既時候，仍然搵到一件開心事，的的確確一見呢個名個人係會舒服d，正如我msn 同佢講，佢冇野可以幫手，我見到佢已經係最開心o既事！一個 msn msg 都已經足夠...唔... 聽日返工去買野飲先...

原來今日係 26號

唔覺, 唔覺, 仲有兩個月我就27歲...入左smartone 三年...

錢搵得多左
人就更加窮
心寧好空虛

形容完!

失望的星期六

其實send 左 sms 去約佢睇草蜢concernt唔見佢reply, 都已經有d忐忑不安, 於是今日星期六見大家都得閒d, 就係公司msn 再問多佢一次, 點知換黎一個唔係幾開心o既結果, 算啦, 原先我真係 plan 好左d 野, 而家冇用冇知地... 唉! 有時我真係覺得有d 無所適從, 究竟佢諗咩想點我真係唔知, 亦唔係好明, 過左呢次令我覺得更應該硬住頭皮去令自己知道結果!

琴日星期五, 冇喇喇話手凍, 然後就搵隻手掂下我, 隻手真係好冰, 咁又係咩意思呢? 可能我真係諗得太多...

十五天

整整十五天都冇寫過個blog, 因為太忙, 太冇心情, 太辛苦... 總之, 就係唔知為咩...

每日返工最開心就係同佢傾下計o既, 早幾日同佢去旺角囉野, 雖然係短短個幾鐘, 不過我都覺得唔錯, 仲有見佢笑, 真係人都舒服晒, 詳細我唔講, 放係心目中...

兩小時的會

我想話頭個半鐘我覺得ok喎，有呀篤背脊大使坐o係我隔離，一時可以偷望下佢，一時又可以同佢傾,下篤背脊d野 (當然係表情，口形啦！)wow…fantasic！如果次次開會都見到佢就好啦！個半鐘過去，佢都篤完了，走人…趁隻門閂埋之前望多眼，我知道佢係見到囉！

小事兩則

今日好累，為左打羽毛球要夜走，見到佢洗杯就知佢走，原來佢去做facial，oh no! missed chance！



生活真的要學懂一點點的技巧，自從家母患病之後，做事開始變得有技巧(!?)！雪櫃內的鮮奶變壞，我同呀妹都唔敢出聲，其實都唔係第一次，之前得一兩盒，唯有我自己倒左佢，再扮係我飲晒，不過今次唔得，因為有成6盒，唯有同呀妹諗下辦法，因為怕家母之後，又怪責自己，又會亂諗野！好多時我都會為左呢d野而煩惱，確實，表面上我真係冇咩野，不過我內心真係好難受！平日，其他人唔會睇得出我有好多呢d 心事，我覺得自己太叻喇，掩飾得超好，完完全全係兩個人！結果，由呀妹出馬打去百佳度鬧，鬧完換晒d奶，all settle down！


點解有得換？因為7號d 奶已經變味，但係盒奶8號到期！

煩．平靜

煩，現在的我事事都覺得煩厭，放鬆的時候很少，少得可憐，很多事情纏繞著我！我很想找到長時間的平靜，可惜很難！難不代表沒有，最少我見到她的時候，心境會平靜一點，然後慢慢開心起來！說起來好像有點浮誇，但我確實從心底感覺到以上我所寫的！舒服而平靜，縱然短暫但我會好好珍惜！

未完的故事

本想把星期五的行程完成，但實在太累，累得連腦筋都不想動，由星期五都現在都提不起勁，只好把當天的事草草寫了幾筆，剩餘的就儲存在我的腦海之中！未來數天我總會找一日要補充一下那一個行程！

累得要死，但仍於早上打籃球，然後幫朋友的新居拆傢俱！突然覺得自己有如鐵人一般，會有暴斃之時，嘩哈哈！

零比五

無言！人生中只有讀ＴＩ之時參加過足球比賽，好歹都只是輸０－１，１－２！今次參與公司的，輸足０－５！實在令人失望！

OT 的星期五晚

七點，msn message到，是她！"仲未走咩"；"未呀，未做晒野”....

一開始就沒有停...

"一陣去行下街"

"發洩下，睇下野買下野"...(原諒我，我唔記得晒)


呢個時候，我一定會問下佢係唔係一個人去，當然我又會搵機會陪佢啦....

(過程省略)


"我陪你去旺角行下丫"....

跟住，再OT多一陣，見佢OFFLINE 左，我自己都執好野走人


去左搭小巴，沿途都有傾有講，點知落車時落雨，我又冇帶遮...失敗！要佢囉把遮出黎，你知啦，我有幾大份，我又唔想整濕佢，於是我真係索性唔遮... 不過，佢都有遮我...


第一站，食D 好好食，佢又好鍾意食ｏ既野．．．

每次o係太子落車都會同佢去食，不過今次我冇食，因為有d咳！只係睇住佢食，見到佢食得開心個樣，我就成個人都開心晒，今次我有晒紙巾同濕紙巾，服待周到，welldone！


第二站，始創中心

食完之後，同佢去始創睇鞋，又係jelly beans，佢真係好鍾意呢個牌字，我呢排成日都見佢著，唔！我真係覺得靚喎...佢！


第三站，各大莎莎、卓悅等等的化妝品／護膚品店舖

去完始創之後，因為佢想係旺角買支gel，於是陪佢行左好多間莎莎，卓悅，其實好多時同佢去街都會行！


第四站，水道橋日本料理

行完各大莎莎、卓悅都已經八點幾，於是今次由我諗地方去食飯，就帶佢去女人街間水道橋食野，好可惜我竟然記錯左地方，要佢白行，真係失敗！亦係我好少會犯o既錯誤！去到之後，等位其間睇下食咩，我就推薦二人餐啦，唔係因為平，而係可以試好多野，睇完等左就入去！佢坐低一陣已經話好眼訓，哈哈！好好彩，冇預先準備之下，佢都滿意d 野食，食完仲傾下計，玩下！其實我真係好鍾意睇佢笑，因為我覺得好好睇囉！


第五站，家樂商場

食完都已經係十點喇，再去家樂行一陣，目的都係睇鞋，不過d舖都開始收，唔係行得好耐！行左一陣，佢都累準備走！


最後，送左佢去坐102，然後夜d再打比佢睇下佢返左去未，冇人聽，唯有sms 啦...

等左佢覆我... 我就安心去訓

小公主

今日人人放工時我仲係公司埋頭苦幹，TT問左我一樣野，我答係x小姐整的，唔關我事！佢突然好細聲爆左一句，"你個小公主"..."你個公主"... 當堂暈了，唯有回應一句，"佢係公主，你係女王囉！"

近呢兩日，又或者用近排，被人用呢樣野黎玩左好多次，次次我都冇聲出收晒聲，"哎呀~~~~ 我輸左喇"...
平時我被玩一定反擊的，而且勁快，唯獨呢一樣，一被人用作攻擊，死無全屍...只係識得笑...

回應前文

前面有寫過話已經擺低左佢，而家再睇番其實係自己呃自己，我諗諗下一直以來次次都係講，根本就由留意佢開始，一直都冇擺低過，只係越黎越上心，個幾句野只係為左掩飾自己沒有勇氣表白而經常用作藉口！

好了！呢一度我要講o既係，係！我一直都冇擺低過，有時會有好消極想放棄o既想法，但內心入面根本就只有佢的存在！我知道只有一個人先可以令我死心...一日搵唔到答案只會一日比希望自己，亦只會一日一日咁拖... 真係o既擺低，亦只有一個方法

回復舊觀

早幾日我O係度諗，仲洗唔洗為左避左個條八掛人渣繼續用http://19791026.blogspot.com? 因為我真係幾想用番http://talyorlaw.blogspot.com。我又覺得我冇咩理由我要為左佢而改囉，不過又真係唔想比佢mon住，冇喇喇睇完我d 野又走去問x小姐，都唔知佢咩居心！

坦白講，我好鍾意寫低我只對我喜歡的人、事、物的感覺，我當係日記、當係紀錄，並唔係要唱人又或者show d咩比人睇，但係為左呢個人渣，我好似要偷偷模模咁，頂！我覺得都係冇理由！

7 月....

今日係星期日，2006年7月30日，呢個blog已經存在左一年零三個月，慢慢地已經冇keep 住日日update，甚至o係世界杯個段時間有成個月唔update添...

又係7月，兩年前o既7月，我慢慢開始留意一個人，對佢所有野都好有興穀，於是囉佢icq，成日同佢傾下計，講下自己野佢知，漸漸越講越多，之後開始放工等下佢走，睇下佢去邊又成機跟埋去，再熟ｄ，位ｄ意仍冇人陪我搵位攝去街，睇concert，到今次我自己再約佢(當中我都skip左幾多野，有興趣自己去考古)，有人話我太慢，有人話了解多d做耐d朋友先... 好多意見，不過我始終都係渣唔定主意！

但係黎到呢個7月，睇完呢個concert之後，我實在已經好有好有衡動同佢講清楚，而家個腦入面仲開始plan緊要點樣去做... 我已經唔記得清楚自己之前有冇咁講過，可能最尾又係只講唔做... 不過今次又係比上一次更加強烈...

有一樣野，我真係好怕，我成日都講... 我好怕佢唔采我，亦即係表示我好怕連朋友都做唔成，個種感覺一定係好差...

long time no see 後的星期六

只係草草傾過幾句, 可能佢有幾多野做, 星期六都見到佢, 就當然開心啦...

其實我臨走個時係 lift lobby 個時見到佢一眼, 都開心架

**** 你變態架, 你成日睇住人地做咩 ****

Long Time No See

軟硬天師long time no see 演唱會第二場，一早托朋友搵飛，當confirm 好日子之後，就嘗試約佢！今次成功左，再唔係好似上次aaron concert 咁！早早已經好期待呢一晚


放工，好大雨為左遮佢唔想佢濕，我左邊半身濕晒，上左巴士第一樣野係遞紙巾比佢，等佢擦乾自己同個袋！我先再攪自己！又係咁，兩個人坐埋一齊o既時候，我個腦又係空白一片！一輪之先開始講野！講下去邊度食... 當然，我心目中已經有打算，但係我知道一定要就佢，睇下佢最想食咩... 結果，佢揀左食韓國野，明洞express。食完都只係七點半左右，再去加連威老道行一陣，哈！比我見到件曼聯波衫，我睇衫，佢睇鞋，臨走佢問我睇中咩，我就話佢知睇中件波衫，佢睇下幾錢... 459... 佢話好貴 XD 走左之後，再行左一陣就去紅館。


行行下，又落雨，上左橋之後佢問我佢走個時應該搭咩車, 我話106, 佢問我係唔係肯定, 我話係！再問我點解, 於是我答因為你坐過你先記得, 佢又再問我點解, 我答唔可以講你知 (唔通我話, 因為我好著緊你, 好留意你, 同埋我鍾意你...)... 佢話因為我係巴士小王子, 我再話, 唔係...因為係你搭過, 所以記得, 然後佢冇出聲了... 哈哈


幾經辛苦先入左場，入場前就梗係應佢要求囉左唔同O既面具！坐低之後，佢戴住面具影左幾張相，正！其實開場之後，我留意佢多過個CONCERT，唔知點解我驚佢會悶... 到左人人企起身O既環節，我為左比佢多D位企，於是幫佢囉住個袋，自己個VIEW 比前面班人遮晒，只好睇SCREEN。


完左之後，又落大雨，再一次係我濕晒... 又再一次遞左紙巾比佢先... 陪佢排隊搭巴士(當然我係想送佢返屋企啦，不過佢一定唔比，仲話驚我多過驚自己一個人返屋企，個一刻幾唔開心)... 有車O既時候，臨近上車已經講定BYE BYE，個FEEL 好似有D驚我會跳上車 (又係一個唔開心O既位)！最後，偷偷地睇住佢上左上層，坐底架車開埋，我先自己一個人行去新世界中心搭車返屋企！

結婚結婚同結婚

我慢慢發現身邊好多朋友都結左婚... 我d中學同學結左婚o既比開始慢慢提高, 而我做兄弟的次數亦有所增長，達到兩次！

今年都未過，已經知道出年又有兩單，真令人不爽加羨慕！

我好恨有自己的一個家，我好恨過二人世界...

夢

慢慢地愛上在夢中的世界，夢入面可以做到自己喜歡做的事，見到我想見的人... 最重要的是我朝思暮想的事都可以成真。

我不喜歡睡醒，回到現實之中，就有沉重壓力跟著自己，抖不過氣！

空白的個半月

最後一次寫blog已經係6月3號的事, 自此空白一遍...

個半月, 除左世界杯開始, 睇波, 返工, 意大利冠軍同完左之外, 就係升左職, 加左人工...

好似冇咩發生過

無言

仍然係有野寫, 今朝起身有一個big surprise, 我真係好嬲, 好嬲...

可能有人會覺得我寫出黎, 係曝露左佢o既私穩, 但我又何嘗唔係咁覺得, 我已經為呢個blog改過一次url. 為的係唔想比某人監視, 我只係想隨心所欲寫出我自己o既感覺, 唔想有任何掩飾, 呢個係我, 不嬲都係有個句講個句, 唔想連寫下自己o既感覺, 都要思前想後!

呢幾日, 我只係想寫低自己呢一個星期之內, 我自己o既開心感覺 (過程), 我並無意去傷害任何人, 亦唔係想去寫任何人的事, 我只係想自己keep 一個 record. 你可以講, 寫得出黎, 就預左人睇... 係, 但我冇預左會比人咁用, 而且我再一次強調, 呢個blog, 只有我自己o既好朋友先會睇到...

係, 我post 左條 link o係 msn, 我認係我大意,冇delete, 仲不停keep 住... 咩理由都好, 已經解釋唔到, 比人話我扮唔知, 扮野, 個一刻好心痛, 唔想去解釋... 唔想去再講... 個一刻我淨係想比自己靜下... 錯與否, 我已經唔想自己去界定, 就由其他人去comment.

呢個blog, 再一次改左address... 呢個address 就只有我自己 + 一個人知道, 好感謝佢今日仲會o係msn 聽我呻...

其實, 我今日係好失望, 從未試過對一個自己喜歡o既人有如此失望的感覺....

就如我自己msn 的 personal msg 一樣, 今天被自己的不小心嚴重傷害...

本來我就唔喜歡對人有介心, 亦唔喜歡猜度別人, 只喜歡隨心隨意, 我相信我已經不只一次提醒自己, 要小心, 但最後仍然回復舊觀... 今次, 對我黎講係打擊最重的一次, 原意係想留下一些記憶, 留下一點感覺, 但.... 已經唔知點講, 又或者, 要點樣去 remind 自己先唔會再咁白痴, on9...

我只係一個小人物, 唔值得任何人去 mon 住我d野, 咁樣我覺得你自己辛苦之餘, 人地都會辛苦...
佢開心, 我唔喜歡去爭, 更加唔喜歡呢種暗地裡的放矢... 好無聊! 你要,佢接受你, 佢開心, 我絕對唔會介入, 亦唔會好似你咁做呢d 小動作...

一樣原完冇居心的事, 被人演繹為富有居心的事, 係令我何等難受, 很悔恨放下了 j小姐對我的忠告...

是日全日返工

係喇,因為世界杯就開始,我跟開d野 6月1 要出街, 不過我要放假, 於是今日返公司攪掂晒d 野�
返到公司冇幾耐, msn 閃左個名出黎, 即係好令我注意o既...

過左陣, msn 個 msg box 走左句urgent 出黎, 唔...一定係唔識用架電話, msn 問左幾句,就即刻打比佢, 自己就即時搵架 se 機, 然後就遂步好比心機咁教... 個一刻係擺低晒我要做o既野, 咩都唔理架..

收左線...又 msn, 今次就要搵 theme, 同 msn icon (呢隻 http://maggieland.myftp.biz/maggieland.htm)... 又係要擺低d野唔做... 斷斷續續 msn到七點幾, 見佢轉左個mode係外出用餐, 我先走落去買外賣, 然後正正經經做野 (其實邊做, 邊搵theme),到十點幾佢返來又 msn 幾句, 然後冇幾耐佢offline... 我又再繼專心做野...

我呢, 攪到成十二點先係公司走...好彩... 聽日,後日自己放自己假...

--- 完 ---

係咯~ 你會發現呢幾日都係寫佢呢... 明明自己又話擺低左, 但係而家又好似好在意...真係,身邊d朋友都比我呢d 一時一樣激死... 哈哈~ 或者好似個 sms 咁講...happy to death lor... 又或者係 dead for looooong time... 冇錯, 老早有人同我講, 我 already 死左係佢手上....

四日內之第二次旺角之旅

今次係夜晚,首先係lift lobby 遇見 a小姐, 再o係小巴見到同事j女士, 然後收到一個a小姐的 sms, 個一刻... 唉

其實都係為左去smartone幫佢出左w810i, 因為要108以上的plan,仲要用connecting tone,我中晒...咁佢開口, 我一定係自己仆埋去幫佢出, even 要我比左 1700 電話費先, 我仍然係心甘情願o既, 都係個句, 只要佢開心...

出電話之前, 又同佢去食臭豆腐, 係咯, 佢話好食, 咪同佢去多次囉, 跟住又食魚旦, 再去出電話！問sales, 出啦, 試機啦, 咩都做晒... (最唔好係要 trade-in 個架機, 去到鋪先short左, 攪到佢有d抆)

然後呢, 係去七十一搵明星三缺一的端午節特別版... 買左一隻, 我終於都知佢係好常玩呢隻game...再去衛訊買w810i 的screen protector! 然後, 諗住去食野的, 去家樂strawberry forever睇左陣, 佢好似唔多o岩, 再上double star cafe, 就太多人...然後變左睇鞋, 睇佢最喜愛的 jelly beams (只係星期六陪佢睇左一次, 我已經記得個名)... 睇左幾間, 比左d 時間我諗, 最後決定去d樓上cafe. 點知,行番去strawberry forever, 就走左入去喇... 一杯薑蜜, 一杯柚子茶, 再一個香蔥芝士薄餅... 試電話, 傾下計 (啊, 原來佢第一次去 strawberry forever 食野),仲有a小姐打比佢唔知講咩o既電話(唔方好野啦).... 10點左右走人...再去 ok 買明星三缺一(x2, total 3)... 送佢去油麻地地鐵站...

--- 完 ---

係咯~ 睇落係咪有野呢... 我自己話過對佢冇野架喇... 之前都係咁寫... 而家又做左d 咩出黎呢...
唉~~~ 次次都係咁....

加油!加油!加油!

今日見工, 但係今朝都返左半日工,收到msn msg, k小姐問我點解會o係度, 我照答因為多野做, 只可以請半日假... 佢就叫我請全日! 我明白佢o既用意, 好開心...

講講下, 我就話佢知因為今日有 interview, 琴晚幾緊張, 訓得唔好, k小姐佢覺得我得,冇問題,應該可以成功, 仲話佢d預感好準... 個一刻呢個鼓勵真係令我成個人舒服晒...

到lunch 個時, 仲行過黎叫我走, 同埋講左 "加油!加油!加油!" ... 個時其實我o岩o岩訓醒, 聽到佢咁講, 醒晒... 為左唔好令佢失望, 我in 個時真係打醒十二分精神...

好耐喇, 上年interview 開始, 好少會有人同我打氣, 雖然只係幾句說話, 但係個動力非同小可...

我今日真係好多謝佢....

弊....

唔好黎料, 我之前真係開始擺低... 今日又開始成日諗住...

5小時旺角之旅

始創/聯合睇女仔鞋、金魚街睇喵喵、先達睇電話、波鞋街睇波鞋(陪佢試鞋)、再去朗豪坊飲STARBUCKS...仲有掃街...SHARE 黎食...都幾開心！以上係星期六放工後5小時的行程...

好耐都未試過同一個女仔行街會有呢D 感覺, 可能係放低左之前個種心情, 所以個人好似冇咁拘謹, 又或者係咁, 大家都多野傾左, 我真係好開心...感覺依然係好好...而且真有有機會細心D 留意下佢其他野... 試鞋個樣又幾好睇喎... 食樣個樣又係好好睇喎... 可能樣樣野O係佢身上, 我都會覺得係好....

不過, 我冇諗得太多, 佢當我係好朋友, 我已經好開心... 真的

Should You Quit Your Job?

Your Job Dissatisfaction Level is 66%

Your job is a total bummer, and probably the worst job you've ever had. Your co-workers stink. Your boss is a jerk. And your company is probably in trouble. Think about finding a new job quickly, even if it's just a not-so-great transition job. You've got to get out of there as quickly as you can!

Should You Quit Your Job?

What's Your Inner Blood Type?

Your Inner Blood Type is AB!

Your personality is hard to define - you're very unconventional. And even if your personality could be defined, it would be completely different next week! Outgoing and shy, sensitive and thoughtless, you tend to have a very split personality. This makes you unpredictable. You can be a total angel - and a total devil. You are most compatible with: everyone! Famous Type AB's: Jackie Chan and Marilyn Monroe

What's Your Inner Blood Type?

What Kind of Soda Are You?

You Are Coke

A true original and classic, you represent the best of everything you can offer. Just the right amount of sweet, just the right amount of energy... you're the life of the party. Your best soda match: Mountain Dew Stay away from:Dr Pepper

What Kind of Soda Are You?

How Do People See You?

Slow and Steady

Your friends see you as painstaking and fussy. They see you as very cautious, extremely careful, a slow and steady plodder. It'd really surprise them if you ever did something impulsively or on the spur of the moment. They expect you to examine everything carefully from every angle and then usually decide against it.

How Do People See You?

珍惜所有

放工前, 兄弟c 先生msn 我說不可以去兄弟 t 先生的喜宴, 說到此時已有不安的感覺, 亦已經預料到了最終的答案, 只等當事人證實！

很突然, 上星期五還問候了他的家庭狀況, 還說為了準備地方放置醫療儀器, 要放棄很多自己喜愛的東西, 看得出他以父親的病情為重, 任何的事也可以拋譇腦後！

人越大, 代表與自己父母相處的時間越短, 很多時候作為子女在發脾氣的時候, 總會埋怨自己的父母、亦有很多時候寧願去街/玩都不願陪伴自己的父母, 泰來以往正是此等的人！ 但當我父母身體健轉差, 我已經明白我自己的錯, 很懊悔曾經有一段空白的時間！ 現在的我, 一定會抽多點時間陪他們, 縱使不需交談、去街、飲茶, 只要大家有時間相處在一起, 已經是最大的幸福！一家人, 最重要的是可以經常走在一起！

一星期後的今天, 他的父親離他而去, 永遠不再回來, 當中的過程, 他告訴我的時候, 雖然是很簡短, 但我確實感到該份悲痛！這悲痛是發自內心, 是因為我明白當中的心態, 當中的感情!

希望c先生能夠節哀順便, 有任何事情, 作為朋友, 如兄弟一般的朋友, 我們一定會竭力去幫忙！

*** 唔知自己寫咩, 希望大家明白當中的心情 ***

fulfil my time

近來見悶悶地, 又唔想成日打機, 於是上星期五打完波, 同我友好呀安哥食個lunch, 行下街, 跟手再入左去商務印書館買書睇, 一買就三本

- 達文西密碼
- 魔鬼與天使
- 一公升之眼�
率先用左一日時間睇晒一公升之眼淚, 個女仔真係好不幸, 而本書係日記形式, 由於佢到左廿一歲再寫唔到日記, 於是只睇到佢到廿一歲o既事跡！廿一歲之後o既, 就要睇佢媽媽幫佢寫o既日記, 即係 "生命之障礙"一書！

結果今日lunch time 去 apm 食飯, 順手係個度三聯買埋...
唔, 我開左達文西密碼... 但係又想睇左呢本先... 點算好呢...
其實我仲有幾本書未睇晒喎....

有 男人為什麼愛說謊, 女人愛流淚(買左年幾,開左個頭)、窮爸爸富爸爸(呢本買左成兩年幾都仲未睇完)、av現場.... 真係有排睇, 如果放假先睇, 真係可以睇足幾個星期!!!!

我發現真係睇書幾好... 我不嬲都愛書, 但係有個壞習慣, 就係未必會睇晒, 而家我已經著手去改呢個壞習慣
於是, 我之前好努力去完成左三本, 一本係 世界十大惡女, 一本係 滿清奇案, 一本係 伍晃榮o既自傳....
丫~ 仲有一公升之眼淚, 用左一日時間就睇晒...

比心機, 睇書真係幾好... 又慳錢, 又有意義, 又唔會好似浪費時間

K 先生

"天天寫　封封寫滿六百句的我愛你 寫了十年從未覺得太乏味 "

係咯~ 換轉我如果有勇氣講左, 又掂左, 都會對k小姐都會咁做的！
如果有勇氣, 就唔洗拖拖下, 自己個d感覺都弱晒啦... ~.~
其實想放棄又好似放唔到, 想追又好似追唔到, 兩年都有喇...
真係...

註解:呢個k 先生係奇洛李維斯....
k 小姐, 個k 係姓黎架~~~~~

---- 完 -----

心事

我諗都係好耐冇同人傾心事, 有同事問起, 最近我對我o既目標點, 我只輕輕答左一句, 已經有四分之三放棄左, 仲有四分之一係自己o既情意結, 所以未完全放棄晒！

同事又問點解要放棄, um... 我都唔知, 只係覺得自己對佢個份情意開始冷卻, 好似冇左以前份感覺！

其實我對住佢都仲係好開心, 不過真係冇左個份想一齊o既強烈感覺, 反而咁樣我覺得成個人都輕鬆左落黎, 感情o既野真係隨緣, 但至少我真係努力過, 我o係情人節, 佢生日之後, 都試過約佢, 好可惜一次又一次比你拒絕, 所以令我開始死心...

p.s. 近來已經冇咩同佢msn, 應該係話由去完澳門返黎已經冇咩...

我o既思想傾向....

Your Brain is 73.33% Female, 26.67% Male

Your brain leans female You think with your heart, not your head Sweet and considerate, you are a giver But you're tough enough not to let anyone take advantage of you!

What Gender Is Your Brain?

暗湧

我始終覺得返工係有d 野，講真，大家同一條team做野，不過心態就大家唔同，可能因為老細關係！以前我呀姐唔做o既事，我統統都會做，即係我唔係好想大家有d咩野磨擦，盡量去協調！

雖然，我成日都游下游下，不過我開始發現我好多濕碎野做，全部都唔係自己野，好多時都係其他野，而且好似好多野都關我事！唉... 我好唔想做的！不過, 唔做我怕累街坊，叫其他人做，人地更係唔多願... 老細又無能... 我都唔想頂... 日日好似同人打仗咁，好難受！

Long Vacation 2

踏入非紅日的第二日假期，平淡而且寧靜，正！10點幾就起左身，一個芝腿治，一杯奶，攪掂！中午時又再食多次，因為我懶！

打打機，睇睇書，最重要係搵工，睇中左幾份，send左resume，希望有回音，今次搵d比較多人工，12k一個月，博一博，亦試下自己個身價，睇下有冇公司覺得我值！

Long Vacation

係喇，一個悠長假期... 我上年六月到而家都冇咩放過假。

其實我一直都有一個唔捨得放長假的原因，哈哈！

不過，近來真係好累，咩都好，我都唔係好想返公司，我覺得好煩囉，於是，我就一定係放下先啦！橫豎上年的假都未用晒，抖下都好架！

近排我有一丁點改變，做野有d心狠手辣，順我者昌逆我者亡！係喇！因為我小氣絕對唔會出面，一定係擺係個心入面...

跌WATT

最近對佢真係有跌WATT o既感覺，好多時為佢做野，我都會盡心盡力，但最近已經有Ｄ唔上心，同埋個種日日都想見佢的感覺都好似唔多存在！

星期六下午的k聚

我都有一段時間冇去唱k，我諗之前o既我一家會起勢咁唱，今日我當然一樣期待，其實只要每次都有佢出現o既活動，我都會好好好期待，今日唔知點解有d 唔開心...

好多時我都想同佢單對單相處，好想多d了解佢，又或者係暗中可以俾d 訊息佢... 總之，我係搵緊機會想再做多d，我想俾佢睇到我係好有誠意...

今日唱k，我第一次聽到佢唱咁多歌，又或者係第一次聽得見佢o既歌聲...

[轉貼] 男人，其實比女人更痴情

每一個男人都是這樣，他可以對每個女人說“我愛你”，但他一輩子只會愛上一個女人，只有一個。

女人需要的是一個關懷她，愛她，可以讓她依靠，保護她一輩子的人，當她遇到一個男人時，愛的死去活來，山盟海誓。

因為種種原因的分開，她不會再記得他，或者說不會記得那麼深刻。因為當她遇到一個更好的男人時，她會拿兩個人來比較，她會覺得遇到更好的是她的幸運。

但男人不是這樣，當他愛上一個女人，真真正正的愛，他不會在愛上任何一個人。

當這段感情失敗後，他會把這段記憶放在心?，把這個女人放在心底。原來一個男人可以把很多女人放在心?，但一輩子只有一個女人可以在他心底。

無論他以後會再相處再多的女人，他都會清楚的知道，自己最愛的是誰。

無論以後他遇到的女人多麼優秀，他也不會改變。因為他心底的女人是他的支柱，他不會用她和任何一個人相比，他認為這種比較是愚蠢的，他一輩子只會愛她一個。放在心底的女人，永遠的傷痕。男人都是愛面子的，也許他平時會活的很瀟灑，但在一個人孤獨的時候，他會放下所有的尊嚴，放聲痛哭，思念唯一的她。

男人的愛一輩子只會付出一次，你得不到，因為你不是。

如果說一段不如意的感情分手是解脫，那麼一個男人失敗的真愛，男人的癡情，女人的多情,只有死才是終點。

何去何從

呢四隻字真係好適合我，工作又係何去何從，感情亦係何去何從。頓時間真係冇左一個方向！

感情其實一直都好困惑，大家都唔明點解我可以拖到咁耐，我都唔明，有時我真係好想俾個答案自己，與其而家都唔開心，倒不如知道答案之後，唔開心一排再重新振作！其實，我一直都覺得我成功o既機會根本唔大，所以我一直都擺係個心度，冇咩勇氣同佢講，又我成日做埋d似是而非o既野，實在好難話人地會有feel o既。

最近，有d 頂唔住o既感覺，真係幾難受！所以我決定將兩樣野擺埋一齊，就係如果失敗，我會辭職走人 (因為本身都做得唔開心, 都想走人)、如果成功都可能仲留多一排！

有時我會諗，o係公司發生呢d 事係唔係好唔適當呢！但係另一方面我真係控制唔到自己！最近，來自自己本身o既情緒波幅好大，我自己覺得好辛苦，好想早d去解決！但，我好怕面對d面阻阻的日子，就好似早前自己大意激嬲左人一樣，我覺得好難受...

究竟我想點，點解咁耐我都仲未走得出呢個胡同... 係唔係真係人大左就越變得迂腐！我真係唔知... 我已經俾左好多時間自己... 但總係議而不決，決而不行...結果，拖到而家年幾好多...

辛苦都好似係自己囉黎... 甚至我可以為自己加上兩個字o既評價 -- "抵死"

一封寄不出的信

今日好刻意放一日annual leave，目的係想自己冷靜一下，有d 野我係想避開一下，又或者係想在去澳門之前，比小小時間自己去平復一下自己o既情緒... 呢幾日我真係好唔開心...

同時，今日想起一封寄不出的信，一封仍然收在我 gmail account 入面的e-mail。我相信，呢封擺左係 draft 入面o既e-mail，我都keep 左個幾兩個月。唔知幾時我先會決定寄出去，唔知幾時先會去到收件人手中...

寫，我真係寫好左... 其實準備早晒，只係一寄左出去就可以等結果o既來臨！

虎山....

我諗都係第一次約一大班人去澳門, 十一個人, 不過攪左好耐, 好多野都仲未決定, 因為我想嘗試就好多個人, 不過明知山有虎, 偏向虎山行, 結果都係一樣, 世事邊有咁完美....

唉~ 真係無心之失.... 我其實都幾唔開心...

年紀大 機器壞

我深深睇會到呢句說話o既威力, 當然唔係講我自己.... 我一定係講我o既父母!

呀爸有糖尿病我知好耐, 新近又話個腎有事, 我都幾難按受, 對我黎講, 唔開心係一定, 不過又係擺係心入面....

呀媽唔洗講, 已經係老生常談...

我真係有d 唔知點好, 都係繼續我一貫o既風格, 為別人帶來歡笑 (真開心又好, 笑我無聊, 傻仔, on x...咩都)... 睇見人笑就開心...

"我要把悲傷留結自己".....

Congralution to Mr. Alex Hui

今晚去左飲, 人生入面第二個同學結婚, 當然, 仍然會係替佢好開心, 再者, 夫婦二人都係我中學同學, 中三識到而家! 所以恭喜晒佢地!

正所謂一不離二, 二不離三, 7月又有我老死擺酒, 呢個係我小學同學, 識左咁多年, 做兄弟點都要! 出年仲有一個由中二陪我返學放學, 一直到中五o既好兄弟都拉埋! 你睇, 幾多喜事...

可惜我係有種酸溜溜o既感覺, 同上一次一樣囉, 冇分別!

我認命架, 呢d 野冇得好講, 而家唯有替別人高興...

我呢~ 係有為自己打算, 不過, 我發現好多野真係冇得自己話事, 客觀環境令我覺得好多野都綁手綁腳!

對自己鍾意o既人, 我一直都仲係好鍾意, 起碼呢年幾黎未變過囉... 不過, 如果要展望將來, 我真係覺得唔可以俾到咩野人地....

Welcome to Hong Kong Disneyland...

係咯，一係唔去，一係就半年去兩次！我好似講過唔會去住，不過我始終都係去左，為我黎緊緊張的四日先作一個 relax！

其實，再入迪士尼我仍然覺得好開心！

遲d 再send 兩張相上黎！

o拿o拿o拿

呢頭寫完呀下，個頭又可以講俾大家知，我一直都冇放棄過架，只不過我真係唔係個d好急進o既人黎架！

多謝大家關心

我知道大家都好關心我o既情況，多謝大家。

其實，我而家好享受現在o既生活，暫時真係唔想有咩改變，我o既過去令我好怕失去某些人與事物，真至現在為止我仍然改變唔到呢個後遺症，於是，大家都唔明我諗咩o既時候，我只能夠用呢個方法解釋你地知，越愛越怕失去，所以我令願維持現況，起碼我活得比較開心。

有人問我點解明明係內心唔開心，都可以日日好似冇咩野咁，仲要成日笑笑口！
um...其實我都唔知，可能係我見到大家係我最開心o既事，反而我返到屋企就會覺得好煩，好唔高興！返到黎會係我比較忘憂的時候，所以你見到o既會係比較開心o既我！

當然，我見到我d 中學同學係會仲開心，好似癲左咁，因為大家彼此都擁有相若的點滴，所以一傾起上黎真係會開心到不得了.......

我知道時間係會令我淡忘一d 事... 但係呢一刻我仲有好多野都未解決，咁所以我一直咩行動都冇
記得我同admin 姐姐係 msn 講過，好多野我自己都未 settle 好，又點可以為對方做d 咩呢...
呢個就係另一個我咩都唔做o既原因喇.......

好，講住咁多先，呢兩個月比較懶，小左寫blog！哈哈！

p.s. 信我丫，我無時無刻都有諗點去做，有時可以係d 好小o既事，但都希望呢d "細哎" 野會令人知道！同埋，我真係唔會後悔o既呢，咁大個人好多野已經知道要點去應付！

好耐冇寫blog

係咯, 因為日日都返早, 七點要係公司, 人都癲, 返屋企就食飯, 食完就訓, 訓醒返工... 差唔多一個月

琴日開心死, 正所謂 "贏咩都唔過癮, 贏利物浦就最興奮"

係因為佢曼聯世仇

Remember ALL of Anfield singing munich songs
Remember the Kop doing aeroplanes
Remember the Munich 58 banner on the Kop
Remember scousers slashing straight members and scaffers home AND away
Remember Main Road 85 & what was at stake
Remember that we stopped them doing the "Impossible" Treble
Remember ALL those flags mocking Munich at Heysel in '85
Remember 39 dead Italians and how they tried to blame everyone but themselves
Remember the bastards throwing CS Gas at out players at Anfield
Remember that utter UTTER cunt Kenney Dalglish
Remember Anfield 1992 & how you felt after Rush scored
Remember 3-3 in 1994 & how it felt like a defeat
Remember the cunt spitting on Eric as he went to lift The FA Cup
Remember Robbie Fowler and his four (now five) finger salute every time he scores against us
Remember that giant FC Bayern Munchen flag at Anfield in 1999
Remember Paul Ince (and all of Anfield) thinking he had denied us the Title
Remember loosing Five on the trot against them 2000-2002
Remember The BBC hailing the plastic treble as some sort of achievement
Remember them breaking the silence in honour of Georgie Best
Remember rick parry bleating on about the NY honours and Paisley & all that other shite, the fucking wanker!
Remember scousers complaining on 5Live that Sir Matt only got knighted because he survived the disaster
Remember how you felt on 29 May 2005