又一年喇...

幾快, 今年o既目標應該都得幾樣做到...

去日本 - 完成
儲錢 - um... 儲左, 去日本洗左, 而家又儲, 都算成為架, 我以前一毫子都冇淨架
轉工 - 本來轉左, 又留低, 而家又想走
xxxx - 唉, 我真係唔知自己點解可以拖咁耐o既....

今晚呢, 就要留係屋企喇, 舊年就係 karaoke 倒數, 不過聽日要返工, 又冇人約,
所以今晚係 曼聯 陪我過 元旦

咁 2006 黎喇.... 我有咩目標呢, 相信都係為2005未解決o既野繼續尋找答案囉
仲有係, 繼續儲錢囉... 應該都冇咩架喇, 又唔想去旅行住... 一個人去, 好悶o既....

冇mood

係呢, 呀羅生你又攪乜鬼冇mood 呢?

喂~ 我都唔知喎, 大時大節, 我次次都係咁架喎, 咩都冇mood 去做
又唔想返工, 又唔想放假, 淨係識得匿埋囉

呀羅生你咁唔掂喎

係囉, 我真係好唔掂....
我又真係唔開心...
我又真係好大壓力...
我又真係唔能夠釋懷....
我又真係冇咩勇氣....

頂~ 咩都係你講晒啦 羅生....

係喎, 我個腦成日都諗野, d 想法成日都轉, 你估我唔到架喇...
丫~ 不過有一樣野冇轉... 個心囉, 只要係鍾意... 我係唔會轉的...

咁你講咁多野, 同個subject 冇 mood 有咩關係呢?

係囉.... 係冇關係

抉擇

我諗我一生之中最怕就係做抉擇，我覺得好費神，亦要用好多心思。

點鮮，我成日都要抉擇架呢？

係囉，好簡單的問題，我都要攪到好複雜！

係呢，成日都係．．．

Life Must Be Go On.......

送俾大家，側田的《命硬》

她反對就反對　亦都跟你愛下去
猶如在大戰炮火裡　毫無懼色衝過去
誰狂怒　誰攔路　誰話我共誰　不登對
無能力與霸權比賽　還是可　比他多老幾歲
　
「二百年後再一起　應該不怕旁人不服氣
團圓或者晚了廿個十年　仍然未捨棄
換個時代再一起　等荊棘滿途全枯死
這盼忙很悠長　亦決心等到你　等得起」

先　殉了情不對　未反擊過已後退
寧憑著　耐性與骨氣　維持自尊　撐過去
誰強韌　誰長壽　誰便算勝利　擊不碎
仍然共你企在這裡　挨著當身邊指控死去

「二百年後再一起　應該不怕旁人不服氣
誰人又可控訴廿個十年　仍然未捨棄
換個時代再一起　等荊棘滿途全枯死
這盼忙很悠長　撐到尾」

就算貧病或失憶　都爭口氣從旁保護你
頑強地等再過廿個十年　等整個世界換風氣
歷劫還是再一起　這種堅決無人可比
看戰事多悠長　亦決心打到尾　心不死

Merry X'mas

遲來的 merry x'mas

嘻笑的背後

開party 我可以同一大班人玩, 大笑, 攪下氣氛! 但係個一刻,我仍然覺得好煩, 好唔開心!呢幾日不停都有人同我講, 叫我唔好諗咁多, 過左x'mas 先再作決定!

但係我唔係一個咁o既人,問題一日未解決一日都唔會開心過! 好多時我係公司都好似好悠閒, 的確, 係... 我已經冇心機再為呢條 team 做任何野, 我有點沮喪, 於是我想走... 本來打算出左double pay同bouns, 1月就開始搵工!

星期四, 隔離team manager叫左我同另一個同事去佢個位, 一人一封信, 話係上一手老細留俾我地o既禮物, 個一刻我已經好唔開心, 當我接到封信睇左之後, 我真係唔識笑出黎, 一年內第三次加人工, 仲有一個令人好滿意o既 bouns, 但係, 個一刻我只有感動同內疚, 我幾乎要喊左出黎。同時, 呀manager先生不停叫我地唔好衰俾人睇, 要留低！

我本來已經試過一次走, 但係學我呀姐講, 真係會唔捨得呢度d 同事, 我都係, 上一次都係為左呢個原因, 同埋呀manager 先生出手留我 (而家我會加埋我上手老細入去), 我先仲會留係度... 於是, 今次想走, 我都會諗得更清楚... 我唔想辜負左佢地....

呢幾日真係嘆氣多詔食飯... 我自己team d 同事都聽到唔少次, 的確, 我已經冇咩動力留係呢條team, 我做到o既只有死頂... 最有骨氣都只係做到, 抽獎抽到個條pk 老細送出的cash 而唔要！

一個人, 你地個個睇佢都可能好開心, 但係個個背後都有佢自己o既故事!

好多野, 我真係好想去做, 但係我真係未有能力!

好多要好的同事都好關心我, 其實我係知道, 你地想我做o既個樣野, 好坦白講, 我真係有我自己o既原因到而家都未付諸實行！所以感情事, 我真係會先放埋一邊！

o係呢一個假期, 我其實係要為一件工作上o既事作出決定....
係喇, 又係聖誕, 呢幾年我都係一個人過... 而且已經慢慢習慣!!!
我希望你地個個都有一個開心而快樂的 x'mas!

空白

腦海入面一片空白，只充滿失望、怨恨、憤怒！

難忍不合理之事

一次又一次，我想我工作的地方一定是風水有問題，甚麼一次又一次發生不合理之事！在我個人來說，真的受不了，要不是為了自己的家人，我定會一走而後快，甚也不會繼續待在這鬼地方！

過年新曆新年，一定要下定決心！

目不轉睛

我每次集中精神去留意一樣東西或人的時候，總會目不轉睛，而且會係入神，對身旁的一切就會變得不以為然，當被目標發現後才會定一定神！由此，旁人很容易發現我會喜愛上某樣事/人/物。近日，真的多了旁人問我，你是否喜歡上......

感動的一刻

是今晚新郎對屋企人的一番說話，真的很令我感動！

回顧小時候的點滴至長大以後的一切... 再報以真誠及發自內心的致謝，實在是令人動容！

突然醒起...

有一個e-mail account已經良久沒有login，於是大為緊張，即時登入看看....

呼~~~~ 仍然健在！感覺良好！

我不能失去這個e-mail account 的... 我有很重要的回憶在入面！

期待中...

休養第三天

亦是最後一天，已經好轉了許多，如果唔係好用力去按，已經不會痛，只是膝蓋仍乏力還有點崩緊。

休養第二天

已經有少許好轉，而且勇敢地嘗試到商場的麥當奴去買午餐，但發覺並不能走得太遠，因為右腳膝頭會逐漸乏力！

不能轉動膝頭，會痛，但不用雙手移動雙腳轉位！

星期四應該可以上班去了！

休養第一天

昨晚十時許，走到屯門醫院的急症室，為那受了傷的右膝蓋求醫，結果醫生做了檢查，也照了 x 光，沒有骨折，只是軟組織受創，得到了四天的病假。

今天整天都留在家中，行動不便的我多留在床上，膝蓋仍會痛，偶爾遇到我的腳要轉換位置時，還要用得上雙手的幫助，抬起那隻粗粗的腿。要不然，一剎那的疼痛即時湧到心中，痛不欲生！

還好的是，已經沒有昨天一般的痛楚 (昨天連不動的時候亦會產生強烈的痛楚。) ！我想再過兩天上班時，應該會好得多！

甚麼今天總是很想上班，可能是因為... ...

好難受

原來企係場邊，知道自己不可以出場打波是很難受的！

今早打了不久，我自己入了兩分之後，有一球波出界，我想起跳救波，不知就裡，步伐完全不一，失去平衡， 右腳垂直落地.... 然後..... 好痛，之後就要在場邊休息了，就連行兩步都有一點障礙。

最近，打波有點兒太積極，以往我都係保護自己，因為怕受傷，唉...
這算是最傷的一次，唯有休息一段時間！

踏入十二月

原來一篇 weblog 都未寫過！

- 完 -