這不是講大話的原因....

我話過唔會再 send sms俾你, 不過我真係忍唔住, 好想同你交代清楚, 不過我相信妳已經唔會再信我講o既野, 一次不忠, 百次不容我是明白的....

講完一大輪, 冇錯, 的確呢個唔係講大話的原因... 係我貪心去行差踏錯, 係我對你講左一個大話

妳肯 sms 我, 至少我知道你俾我想像中堅強....

反而我自己接受唔到... 我好難忍受見到妳時的感覺突變, 大家好似陌路人一樣...

不過, 最少... 妳可以的起心肝, 俾心機去尋找你自己的幸福!!

2009年5月3日

早上收到妳的電話, 聽到妳講話的語氣我已經知東窗事發,不過我自己好冷靜, 由我決定那一刻開始, 我已經預左有呢一日....

不過, 我對你的殘忍令到我好心痛, 始終對我你真係好重要, 而且我真係好愛你...

對唔住, 我講左個大話呃妳, 原因我唔想多講....

只係我希望你有幸福美滿的將來.... 妳跟住我呢個負債累累的人,真係唔知幾時先可以令你有好日子.... 我絕對唔可以拖累妳... 一定唔可以!!!

呢個 blog 一直都係為你而寫... 呢一刻我可以close 左佢!!!

我會永遠係你背後守護妳... 永遠!! 當有一日, 你仍然係一個人的時候, 我願意照顧你一生一世, 無論我背景係幾衰, 幾差, 但呢一刻我希望妳用妳o既時間去搵一個比我家境更好的人去照顧你...
我對你o既照顧就只有妳口中的皮毛... 並唔係面包!!! 愛情 同 面包, 我已經轉左認為面包更重要...

寶貝舒舒再見了... 你永遠都會係我心中, 豬豬永遠都會記得我地一齊的感覺!!!

要決定了

2009年以來,情況越來越來差,屋企環境亦差,我真係唔想見到佢跟住我呢個人, 我左度右度, 諗得都唔會見得我一兩年可以儲好多錢, 可以有能力同佢一齊生活, 而且轉工搵多d 簡直係冇可能, 因為以我自己的學歷依家$17,000 已經去得好盡,靠的只是自己的經驗,依家經濟環境仲邊有地方會出$17,000 請我呢d 人

我真係好擔心, 近來我成日同佢講你搵到好就走啦, 不過佢好似覺得我係度講笑, 並唔係認真。

我真係好想同你講, 寶貝你真係我的最愛, 亦因為呢個原因我唔可以再耽誤你的時間, 唔可以再俾你浪費時間係我身上

我會永遠記得 去 澳門, 北京 仲有 disneyland 呢一段好開心的日子, 如果冇左你我唔會有呢段刻骨銘心的記憶....

寶貝我成日都同你講, 最偉大的愛係讓自己最愛的人得到佢應有的幸福, 我冇可能叫你陪我一齊捱窮, 你一定唔會慣.... 我已經決定左, 為左令你唔好再浪費時間係我身上, 我已經決定左....

只係我未知點樣去令你知, 我唯有遂步逐步令你對我感覺退卻....

我回來了....

心情大不同了, 四月時的一個post, 到今天的整整5個月裡, 發生了很多的事, 的確令我自己也覺得難以置信。

5月時, 曼聯奪得雙冠王, 英超及歐聯冠軍
6月時, 我與她去了澳門, 拖了她的手
7月時, 我已經經常與她去街, 拖手...升職加薪
8月時, 我們已相討一同去旅行

真的, 像夢一般的發展, 飛快的得到了5年以來我渴望得到的東西
但是, 我已經不能像過往記低所有點滴, 太忙了... 忙得休息的時間也沒有
漸漸... 想到未來, 我還未懂適應現時這個似是非是的關係

但願, 像我以往的記事所言, 我只想要平凡的生活....
簡單的願望, 我會為此而努力....

我是不是該安靜的走開

我不知道為甚麼這樣
愛情不是我想像
就是找不到往你的方向
更別說怎麼遺忘
站在雨裡淚水在眼底
不知道往那裡去
心中千萬遍不停呼喚你
不停瘋狂找尋你
我是不是該安靜的走開
還是該勇敢的留下來
我也不知道那麼的無奈
可不可以都重來
我是不是該安靜的走開
還是該在這裡等待
等你明白我給你的愛
永遠都不能走開

回應２００７年６月１３日的記事

傑斯的波衫我終於都買了．．

十四年的曼聯ｆａｎｓ生涯之中，第一件傑斯的波衫

由2007年7月起...

已經有整整八個月沒有再發表任何記事於blog 中。

現在好多事情已經不在自己掌握之中，當中確實發生了很多事，多得自己也記不起來。

與她的關係可以說是平穩發展，慢慢大家的接觸越來越多，電話往來亦很頻繁，只要她閒著一想起我便會打來。

過去數月，我最開心的可是她與我一起去看aaron 的 concert。我真的很喜歡aaron，而與我自己喜歡的人去看，更令我開心得不得了。

一份大大的花紅，倒令我很驚喜，感謝老闆的提攜！

亦是這一份花紅，令我可以於聖誕送了兩份厚禮給她，還有一張（我自己認為）很有心思的聖誕卡，只可惜於她生日時我無以為繼，只能送上一盒情人節的朱古力，及以電話送上一句生日快樂！

廣州之行，我真係又驚又喜，驚的是怕自己表現不佳，喜的是整整兩天都可以見到她！

很多的時候，我腦內總有很多想寫的東西，但每當要寫的時候，統統都會消失得無影無蹤！

我與她的關係，真的連我自己也攪不清，我想是很好的朋友吧～

懼怕的一天

可能一直以來都叫自己唔好諗，但係今日lunch time一個電話，個感覺奇怪得不得了。

我知道呢一日始終要來臨，但係冇諗過係突然間，其實佢搵到份好工係好事，不過我好怕佢離開我。

蝶舞樓

我人生中的第一個家。

今日坐巴士見有個節目係講課餘託管，見到我讀過的小學，再在自己NEWSGROUP 講起，當大佬一提起蝶舞樓，我即時有不少回憶湧現！

又係一個月時間

依家我真係好懶寫BLOG, 可能係個心情唔同左啦~ 好似已經冇以前成日咁煩, 去諗咁多野~
而且好多野都冇咩特破性發展, SO.... 都係咁啦~

今年最開心係曼聯拎返英超冠軍, 已經冇拎四年了~
不過, 我發現我棒左14年曼聯, 竟然連一件熨左傑斯O既波衫都冇....
對於呢位球員生涯到依家都係只係踢左一間球會的佢, 我實在係.....太過份
我決定下季其中一件衫, 一定係熨傑斯

２００７年５月９日隨筆

我覺得佢今日心情都係唔好～我今朝一早返去就已經幫佢換ＭＯＮ，唉～都係自己太晏返工，攪到成埋人望到，又玩左我一陣咁大把。。。

跟手ＬＵＮＣＨ佢飲茶，我總係覺得有人會拎黎玩，所以坐去隔離。。。

放工比左六合彩佢對，傾左一陣電話，是日最快樂時刻。。。

放工買左兩條ＮＯＴＥＢＯＯＫ　ＲＡＭ，而家用２ＧＢ　ＲＡＭ行ＶＩＳＴＡ，爽好多！

今日寫得比較少，因為都好累。。。明天如果有開心事先再寫

２００７年５月８日隨筆

無可否認近來因為好多的事令我愁眉不展，但每次見到佢都會令我笑下，又或者係心情舒服一點！

就好似今日佢放左工打比我，問我點解咁快走，佢想搵我換MON，傾下傾下都可以傾左４０分鐘，係個４０分鐘入面，的確係好開心的，由我講聽朝一早返公司幫佢換ＭＯＮ，到叫我去買六合彩。。。我都好心甘去做而且係開心的，無他，我始終覺得能夠為一個令自己開心的人去做一Ｄ事係好值得，更何況係一個我喜歡的人。莫講係由牛頭角行去觀塘買六合彩、又或者係一早返公司換ＭＯＮ，真係叫我做咩都肯！

最近見佢成日黑口黑面，我知係因為佢多野做，我多左留意佢，因為我唔喜歡佢唔笑，所以我成日都想＂乙水＂佢，有時比佢鬧下我都覺得係好Ｏ既，如果佢可以舒展一下，鬆一口氣的話！不論係肥仔、肥野、肥超、肥斑馬、直版漢堡神偷我都冇所謂，只要見到佢笑。。。又有何不可～

好多時我Ｄ朋友都話我咁做好傻，不過我想話係值得，有一個人能夠比你去付出，可以話係一件幾幸福的事，有幾多人想付出都冇機會，而我有一個機會係眼前，我為咩事而唔去做，就憑旁人的幾句說話嗎？我唔想自己後悔，就算第日的結果係點都好，起碼我已經為佢付出過。。。縱使有一日呢個人唔再出現係我身邊，到我去睇返轉頭，我仍然會係覺得我曾經識過呢一個人，而且能夠為佢付出我自己Ｏ既心意，係一件開心的事。。。

掛念就是掛念

首先係講講套戲, 蜘蛛俠係好戲保證, 兩個女角都好靚

今朝都講過我一起身就只係掛住佢, 睇戲個時一見MARY JANE 就即刻諗起佢, 攪到睇戲都分晒心
睇完戲同朋友去飲茶, SEND 左個SMS 大意係講, 我打牌個時只要佢SEND SMS 比我, 我就會行好運。

唉~ 點知下午打牌時, 個電話擺左O係袋, 聽唔到響, 成七點先見到SMS, 同打返比佢, 佢係街, 又唔好意思阻住佢, 怕佢悶嘛, 我驚我又會講埋D 爛O既說話

打到十一點幾先散BAND, 一走人即刻打比佢, 不過冇人聽, 依家仲等緊, 睇下佢會唔會打返轉頭

係囉~ 我真係好掛住佢~ 至少我聽到佢把聲已經好開心

一早起身

為左去spiderman3

今日係5月1 號,我都有好耐時間冇寫野, 因為我懶, 又或者係覺得有d 野擺係個心入面會好d

呢段時間我都做左好多野架, 耐唔耐同佢去街, 講電話, 我知我個人好悶, 有時一定會悶親佢, 但係其實我真係好重視佢... 我冇時冇刻都希望可以改善到...

丫~ 今朝一早起身, 第一個諗起o既就係佢...

好~ 出門口.... 9:10a.m. 開場....

又係好耐冇update

有d文我仲要係未寫完,冇post出黎！

真係,最近關係同佢好似close左,多左好多sms,講電話(可能上星期我整親腳成日係屋企),但係佢又成日叫我唔好亂諗野,又成日好似想推我比其他人,我都唔知,兩個星期前我真係好開心,個張"生日快樂"o既戲飛我仲keep住...
本來想情人節約佢,順便同佢慶祝生日,奈何我自已整到隻腳...

唉~ 我都唔知..究竟依家我應該點做

今日annual dinner, 好想同佢一齊影一張相,不過始終都係冇勇氣！....
我怕其他人笑, 笑我真係冇所謂, 笑佢玩佢, 我真係唔想...

今早佢想食炒面, 比左佢個面包我, 唔...個種感覺幾好, 好似佢幫我買左早餐一樣,
at least 佢會諗起我丫...

順其自然吧....

只是msn 一下

我知道她今天入迪士尼，於是先sms她，但沒有回應...

夜晚，見她msn online，於是問了兩句，等她offline...

心情又忐忑不安了....